भक्तपुर (इप्रेस मिडिया)
सामुदायिक विद्यालयका शिक्षकहरू विगत एक सातादेखि भक्तपुरको सानोठिमीस्थित शिक्षा तथा मानव स्रोत विकास केन्द्रमा रिले अनसनमा बसेका छन्। आफूहरूले राखेका मागहरू पूरा गर्न दबाब दिन शिक्षकहरूले यो आन्दोलन शुरू गरेका हुन्।
नेपाल शिक्षक महासंघका अध्यक्ष लक्ष्मीकिशोर सुवेदीले विद्यालय शिक्षा ऐन तत्काल जारी गर्नुपर्ने लगायतका मागहरू राखेर अनसन शुरू गरिएको बताए। उनका अनुसार, शिक्षकहरू विगत ६ दिनदेखि हरेक दिन बिहान ८ बजेदेखि साँझ ६ बजेसम्म रिले अनसनमा बस्दै आएका छन्।
शिक्षकहरूको यो आन्दोलनले सरकारमाथि दबाब बढाएको छ भने विद्यालय शिक्षा ऐन जारी गर्न ढिलाइ भएको भन्दै उनीहरूले आक्रोश व्यक्त गरेका छन्। अनसनले शैक्षिक सुधार र शिक्षकहरूको हकहित सुनिश्चित गर्नुपर्ने मुद्दालाई पुनः चर्चामा ल्याएको छ।
इप्रेस मिडिया संवाददाता
भक्तपुर, चैत्र १२, २०८१
