काठमाडौं – नेसनल लाइफ इन्स्योरेन्स कम्पनीले लगानीकर्तालाई १० प्रतिशत नगद लाभांश र ४ प्रतिशत बोनस सेयर दिने घोषणा गरेको छ। कम्पनीको शुक्रबार बसेको सञ्चालक समितिको बैठकले यो निर्णय गरेको हो।
हाल कम्पनीको चुक्ता पूँजी ५ अर्ब १ करोड रुपैयाँ रहेको छ। प्रस्तावित बोनस सेयर वितरणपछि कम्पनीको चुक्ता पूँजी ५ अर्ब २० करोड ८० लाख रुपैयाँ पुग्नेछ।
यो लाभांश वितरण बीमा प्राधिकरणको स्वीकृति र कम्पनीको आगामी साधारणसभाबाट पारित भएपछि मात्र लगानीकर्ताले पाउनेछन्।
नेसनल लाइफ इन्स्योरेन्सको यो घोषणाले सेयर बजारमा सकारात्मक प्रभाव पार्ने अपेक्षा गरिएको छ।
