काठमाडौं, चैत्र १४, २०८१
ईप्रेस मिडिया
काठमाडौं– नेपाल राष्ट्र बैंकले डिजिटल फाइनान्स इनोभेसन हब स्थापना गरेको छ। बैंकिङ तथा भुक्तानी प्रणालीमा आधुनिक प्रविधिमा आधारित वित्तीय सेवाको विकास र विस्तार गर्न यो हबले महत्त्वपूर्ण भूमिका खेल्ने अपेक्षा गरिएको छ।
राष्ट्र बैंकका अनुसार यो हबले नवप्रवर्तकहरूलाई विद्यमान नीतिगत तथा नियामकीय व्यवस्थाबारे जानकारी दिने, वित्तीय क्षेत्रका प्रस्तावहरूको विश्लेषण गरी अवसर र चुनौती पहिचान गर्ने, परामर्श र सुझाव प्रदान गर्ने तथा नवप्रवर्तनलाई प्रोत्साहन गर्ने उद्देश्य राखेको छ।
यो कदमले डिजिटल वित्तीय सेवाको क्षेत्रमा नवीन सोच र प्रविधिको प्रयोगलाई बढावा दिई नेपालको वित्तीय प्रणालीलाई थप सुदृढ र आधुनिक बनाउने लक्ष्य राखिएको छ।
