काठमाडौं । इजरायल र हमासको युद्धमा परेर ज्यान गुमाएका चारजना नेपालीको शव आइतबार काठमाडौं ल्याइने भएको छ । हमासको आक्रमणमा परी मृत्यु भएका १० नेपालीमध्ये चार जानाको शव ल्याउन लागिएको हो ।
सम्पूर्ण कानुनी प्रक्रिया पुरा गरेर ४ जनाको शव भोलि दिउँसो १ः२५ बजेको फ्लाइ दुबईको उडानबाट नेपाल पठाउन लागिएको तेलअविवस्थित नेपाली दूताबासले जनाएको छ । इजरायलबाट दुबईसम्म र त्यहाँबाट काठमाडौंसम्म पुग्ने व्यवस्था मिलाइएको दूतावासले बताएको हो ।
फ्लाइट डिटेलअनुसार पर्सि बिहान काठमाडौं आइपुग्नेछ । ‘अन्य शव पहितानको काम भइरहेको छ’, नेपाली दूताबासले शुक्रबार वक्तव्यमार्फत भनेको छ ।
